LGU Nagpatuman sa Komprehensibong Medical Examination para sa mga Empleyado

Gipahigayon sa Human Resource Management Office (HRMO) ang Comprehensive Medical Examination para sa mga empleyado sa LGU Lantapan niadtong Disyembre 3–4, 2025 sa Legislative Hall, isip kabahin sa Gender and Development (GAD) Program, uban sa tabang sa Medisense Laboratory gikan sa Cagayan de Oro City. Ang maong eksaminasyon naglakip sa physical examination, complete blood chemistry, creatinine, urinalysis, fecalysis, chest X-ray, ultrasound (para sa kababayen-an), Pap smear (para sa kababayen-an), ug prostate exam (para sa kalalakin-an). Gitumong sa kalihokan ang pagpalig-on sa kahimsog sa mga kawani ug pagpanalipod sa ilang kaayohan alang sa mas epektibo nga pagserbisyo sa publiko.